अनिल तिवारी /वीरगञ्ज 
अनिल तिवारी
वीरगन्ज,मंसिर ६
आर्थिक क्षेत्रमा लामो समय देखि कलम चलाउदै आएका अर्थबिद्ध उमेशचन्द्र ठाकुरको पुस्तक प्रकाशित भएको छ । जिसिएम उधोग बिराटगनरबाट जागीरे जिवनको सुरुवात गर्नुभएको ठाकुरद्वारा लिखित ‘अर्थतन्त्रका आयाम’ शीर्षकको पुस्तक हालै प्रकाशनमा आएको हो । जसमा समसामयिक अर्थराजनीतिक सरोकारका विषयमा ठाकुरको दशकौंको लेखनको प्रतिफललाई संग्रहित गरिएको छ ।
ठाकुरले बिसं २०३९ साल देखि निरन्तर विभिन्न पत्रपत्रीका हरुमा लेखन गर्दै आएका छन् र आर्थिक विश्लेषण, औद्योगिक व्यवस्थापन, श्रम सम्बन्ध, र आर्थिक–सामाजिक परिवर्तनहरूबारे आफ्नो गहिरो जानकारी र अनुभवलाई प्रस्तुत गरेका छन ्।
यो पुस्तक आर्थिक क्षेत्रका समस्या,सुझाव लगायतका बिषयगत कुरामा आधारित विगत दशकभन्दा लामो समय देखि प्रकाशित ७६ उत्कृष्ट आलेखहरूको संगालो हो, जसले देशको आर्थिक र औद्योगिक पाटोमा गहिरो दृष्टिकोण प्रस्तुत गर्छ ।
पुस्तकको संयोजन ओमप्रकाश खनालले गरेका हुन्। खनालका अनुसार, ‘अर्थतन्त्रका आयाम’ वर्तमान अर्थराजनीतिक र औद्योगिक परिदृश्यलाई विगतसँग तुलना गर्ने र भविष्यलाई दृष्टिगत गर्ने खालको ‘आँखीझ्याल’ हो ।
खनालले पुस्तकलाई समयसापेक्ष दृष्टिकोणले तयार गरिएको र आगतलाई सही ढंगले बुझ्न तथा स्वागत गर्न सक्षम बनाउने ठानेका छन्। यो पुस्तक पाठकलाई पुराना घटनाहरूको विश्लेषणमार्फत आधुनिक आर्थिक चुनौतीहरूको मूल्यांकन गर्ने मार्गदर्शन दिने उद्देश्यले तयार पारिएको छ।
ठाकुरको लेखन यात्रा उद्योग, व्यापार र श्रम सम्बन्धमा आधारित छ, ।उनले विभिन्न आर्थिक प्रतिष्ठानहरुमा निर्वाह गरेको काम कर्तव्य,उधोग व्यवस्थापन र श्रमिक बिचको सहजता र उनले औद्योगिक प्रतिष्ठानहरूको व्यवस्थापनमा आफ्नो गहिरो अनुभवलाई समेटेका छन् । निजीक्षेत्रका संघसंस्थाहरूमा लामो समयदेखि संलग्न रहेका ठाकुर औद्योगिक शान्ति, श्रम सम्बन्ध र सामाजिक–आर्थिक सम्बन्धका विषयमा विशेष राम्रो दखल राख्छन्।
उनका लेखमा सामाजिक–आर्थिक परिवेशमा देखिएका परिवर्तन, औद्योगिक विवादहरूको समाधान र व्यापारिक चक्रको प्रभावलाई समेटिएको छ ।
पुस्तकमा समेटिएका आलेखहरूले ठूला औद्योगिक र श्रमिक आन्दोलनदेखि आर्थिक नीति, निजीक्षेत्रको भूमिका, र सरकारको विभिन्न नीतिहरूको समीक्षासम्मका विविध विषयवस्तुलाई समेट्छन्।
लेखहरूमा आर्थिक असमानता, उदारीकरणको प्रभाव र श्रमिक वर्गका समस्याहरूको सजीव चित्रण गरिएको छ, जसले हालका श्रम आन्दोलनहरू, उद्योगी–व्यवसायीहरूबीचको सम्बन्ध र नीति निर्माताहरूलाई आर्थिक सुधारको दिशातर्फ निर्देशित गर्न म हत्वपूर्ण योगदान पुर्याउने अपेक्षा गरिएको छ । पुस्तकको अनावर कार्यक्रममा उमेशचन्द्र ठाकुरले पुस्तक प्रकाशित गर्न सहयोग पु¥याउने सम्पूर्ण व्यक्तिहरू र संस्थाहरू प्रति आभार समेत व्यक्त गरेका छन् ।